Për Prindër

Të dashur prindër,Festivali për fëmijë “Lojë për të gjithë” është një mundësi unike për fëmijët tuaj për të mësuar, luajtur dhe për t'u argëtuar për një javë të tërë, duke filluar prej 27 Majit e deri më 7 Qershor.

Fëmijët tuaj do të kenë mundësi që cdo ditë, prej orës 17:00 deri në orën 22:00 në sheshin “Nënë Tereza” te ndjekin performacat e ndryshme të zhonglerëve, magjistarëve, pantomimës si dhe shumë e shumë atraksione të tjera. Me datën 7 Qershor në orën 12:00 niset parade e fëmijëve për të marrshuar drejt sheshit “Nënë Tereza”, maskojeni fëmijën tuaj dhe silleni të argëtohet me fëmijët e tjere nga e mbarë Kosova.

Megjithatë, ju lutemi që të lexoni më poshtë disa udhëzime për festivalin, që janë të cekura për ju në mënyrë të veçantë, në mënyrë që fëmija juaj të jetë sa më i sigurt që është e mundur gjatë festivalit:

• Ju jeni përgjegjës për ta sjellë fëmijën tuaj në performasat në sheshin Nënë  Tereza.
• Ju këshillojmë të kujdeseni për gjësendet personale dhe sigurinë e fëmijës tuaj, sepse grupe të gjera njerëzish parashikohet të mblidhen në ambientet e aktiviteteve të Festivalit.
• Organizatorët nuk do të mbajnë përgjegjësi për ndonjë vjedhje apo humbje të mundshme nga publiku/pjesëmarrësit.
• Për më tepër, ju lutemi kujdesuni që të mos ju afroheni shumë performancave, duke qenë se disa prej tyre janë intensive dhe dinamike. Ju inkurajojmë të mbani një largësi minimale nga artistët për të ruajtur sigurinë tuaj.
• Festivali do të sigurohet me sigurim privat dhe shtetëror, përveç kujdesit mjekësor dhe zjarrfikësve, një numër i madh i vullnetarëve dhe personelit të festivalit do të jenë present, megjithatë, për shkak të numrit të madh të fëmijëve që marrin pjesë, ne nuk marrim përgjegjësinë për ta ofruar sigurinë gjatë gjithë kohës në të gjitha pikat e festivalit për fëmijë.