Për Festivalin

Festivali për Fëmijë "Lojë për të Gjithë" është një projekt i financuar nga BE dhe menaxhuar nga  Zyra e Bashkimit Evropian në Kosovë (ZBEK), implementuar nga SOS Fshatrat e Fëmijëve të Kosovës  në partneritet me Qendrën për Arte Vizuale Multimedia , Kompaninë Gishtat të cilët janë përgjegjës për punëtoritë dhe performansat si dhe IQ Consulting, të cilët përkujdesen për organizimin e ngjarjeve të festivalit. Festivali është lansuar si pjesë e Programit për Mbështetje të Shoqërisë Civile të ZBEK, si rrjedhojë e suksesit të Festivalit për Fëmijë në Sarajevë, gjithashtu mbështetur nga Bashkimi Evropian.

Festivali synon ti ofroj të gjithë fëmijëve në Kosovë një mundësi të mësojnë përmes aktiviteteve arsimore dhe zbavitëse, dhe një mundësi që ata të shprehin talentet e tyre artistike. Iniciativa është unike në llojin e vet në Kosovë pasiqë ofron një numër të madh të aktiviteteve ku fëmijët angazhohen direkt dhe punojnë së bashku. Projekti synon të përfshijë  fëmijë nga grupet e margjinalizuara sociale si fëmijë me aftësi të kufizuara dhe fëmijë nga komunitetet minoritare. Festivali ofron aktivitete në pesë fusha madhore: Punëtori, Performanca, Film dhe Teatër, Parada e Fëmijëve, Garat Teatrale dhe ajo e  Ambientit.