Garë

Gara Teatrale

Një garë në nivel të Kosovës nga fusha e shfaqjeve teatrale mbi të drejtat e fëmijëve do të hapet të pas javës kryesore të Festivalit në Prishtinë, dhe fituesit do të shpallen ne fund të vitit. Shfaqja teatrale duhet të paraqesë problemet e përditshme të fëmijëve në lidhje me të drejtat e tyre, dhe se si ata e shohin të ardhmen e tyre në Kosovë. Tre fituesve do t'iu jepen shpërblime (jo në para të gatshme), si dhe mundësia për të performuar shfaqjet e tyre në një teatër gjatë javës kryesore të Festivalit në Prishtinë. Fëmijëve do t'iu japë mundësinë që të  paraqiten në teatër, të provojnë procesin e inskenimit të një shfaqjeje, të mësojnë  shkathtësitë dhe teknikat bazike të aktrimit, si dhe të takojnë skenaristët dhe aktorët lokalë. Puna e tyre do ë paraqitet në publikimet kryesore në Kosovë. Përkrahja për implementimin e ketij komponenti do të kërkohet nga Ministria e Kulturës dhe Ministria e Arsimit, si dhe nga Drejtoratet relevante komunale. Përafërsisht 1000 fëmijë nga regjione të ndryshme do të marrin pjesë në garën e teatrit, duke prezantuar çështje dhe situata sociale për të cilat kërkohet zgjidhje.

Gara Ambientale

Një garë për projektin më të mirë për ambientin do të hapet nëpër shkollat anembanë Kosovës. Koncepti duhet të paraqesë një problem mjedisor në komunitetin e fëmijëve dhe të propozojë një zgjidhje efektive nga një grup fëmijësh, në fushën e pylltarisë, degradimit mjedisor apo cështje tjera të lidhura me ambientin. Fituesve të cmimit do tu jepen asete të shfrytëzueshme dhe një mundësi për të takuar zyrtarët e Zyrës së Bashkimit Evropian në Kosovë që janë të angazhuar në fushën e mjedisit, si dhe zyrtarët e Ministrisë së Mjedisit, për të gjetur mundësi të ndryshme për financim ose forma tjera të përkrahjes për realizimin e projektit të fëmijëve. Vlerësohet se rreth mbi 10000 fëmijë do të njoftohen me cështjet mjedisore dhe do të marrin pjesë në këtë ftesë për projekt propozime.