Film dhe Teatër

Kinemaja Udhëtuese
Një kamion me paisje të kinemasë do të udhëtojë në zonat e largëta dhe qytetet e vogla të Kosovës, për të shfaqur filma për fëmijë, si dhe filma vizatimorë. Shfaqja kinematike do të udhëtojë në pjesët e Kosovës ku fëmijët kanë pak ose aspak qasje në këtë formë të zbavitjes dhe arsimit.

Filmat do të shfaqen në ambiente të hapura, por gjithashtu edhe në shkolla, auditoriume dhe hapësira tjera të mbyllura.

Pritet që kinemaja udhëtuese do të vizitojë të paktën 15 lokacione rurale me të paktën 2500 fëmijë që do të shikojnë filmat e tyre të preferuar. Përveç se do të jenë argëtues, filmat do të kenë edhe përmbajtje sociale.

Teatri Udhëtues
Ngjashëm me aktivitetet e lartpërmendura kinematografike, ekipi i teatrit udhëtues do të formohet në Prishtinë dhe do të shkruajë për fëmijët dy shfaqje, të cilat do të shfaqen në zonat rurale dhe qytetet e vogla të Kosovës. 

Një numër prej  rreth 2500 fëmijësh do të kenë mundësinë të shohin këto shfaqje, në 20 lokaione anembanë Kosovës. Shfaqjet do të shkruhen ashtu që t'iu lejojnë fëmijëve pjesëmarrje  direkte gjatë shfaqjes dhe hapjen e diskutimit pas saj.

Temat e shfaqjes do të jenë tema sociale edukative të rëndësishme për fëmijët, siç janë mbrojtja nga dhuna në shkollë dhe familje, diskriminimi, pjesëmarrja, por të përgatitura ashtu që të jenë zbavitëse për fëmijët dhe të zgjojnë interesimin e tyre për t'i parë ato.  Shfaqjet teatrale do të kenë një format të posaçëm - atë të forum teatrit. 

Formati i tillë është dizajnuar me qëllim që t'i angazhojë në mënyrë aktive spektatorët dhe t'i shndërrojë ata në "spekt-aktorë".  Përmes këtyre shfaqjeve fëmijët do të angazhohen në zgjidhjen e problemeve dhe nënvetëdijshëm do të propozojnë zgjidhje për situata potencialisht të vështira.